Usolarrainen elkartu ziren Kukuerreka elkartearen Zuhaitz Egunaren deialdian parte hartu zutenak. Martxoaren 23ko eguerdi aldera izan zen. Elkartetik azaldu dutenez, “ kudeatzaileek basoa, Dantzaleku eta Basoitxi, bertan behera uztearen ondorioz, elkartea, bere ekimenez, birlandatzeari egin dio”. Bazkideen eta boluntarioen parte hartzearekin hiru lan egun izan zituzten Usolarrainen. Han 8 eta 10 urte arteko dozena bat haritz eta lauzpabost urteko 15 bat lizar landatu zituzten. Zuhaitz bakoitzari babesa eta eusteko makila bat jarri zioten.