Esencia Onírica erakusketa esposizio luzeko teknikarekin egindako argazkiez osatzen da; teknika honekin "zeta efektua" edo "argazkiarekin margotzea" lortzen dela esan du Mikel Montesinos argazkilari altsasuarrak. Erakusketan Julia Zornoza Iriarteri eginiko omenalditxo bat ikus daiteke; Zornoza Montesinosen amona zen, eta Nafarroako lehenengo emakume argazkilarietako bat izan zen.
Erakusketa Iruñeko Geltokin, ikus daiteke uztailaren 31ra arte, astelehenetik ostegunera 10:00etatik 21:00etara, ostiraletan gauerdira arte eta larunbatetan 11:00etatik 00:00etara; igande eta jai egunetan itxita egonen da, eta 15etik aurrera 10:00etatik 17:00etara izanen da ordutegia.