San Fermin Feria bukatuta, CaixaBank Mastersaren txanda da. Altsasuk pilotaren aldeko apustuarekin jarraitzen du. Horrela, abuztuaren 1ean, ostirala, 21:15ean, CaixaBank Masterseko jaialdia jokatuko da Burunda pilotalekuan.
Lehenik eta behin B Serieko final laurdenetako ligaxkako partida jokatuko da. Zubizarreta III.ak eta Bikuñak Senar eta Tolosa izango dituzte aurkari.
Segidan, A Serieko final laurdenetako ligaxkako partidaren txanda izango da. Ezkurdiak eta Iztuetak Larrazabal eta Rezusta izango dituzte aurkari. Sarrerak salgai daude Entradasfronton webgunean.