Asteburuan emakumezkoen hirugarren mailako laugarren jardunaldia jokatu zen. Maila berria ez zela txantxetakoa jakina zen, eta Altsasu kategoriari tamaina hartzen saiatzen ari da, baina Berriozartik nahiko jota itzuli ziren altsasuarrak, 5-0 galdu eta gero. Berriozar hasieratik aldea ateratzen hasi zen, eta nahiz eta altsasuarrak partidari buelta ematen saiatu, ezinezkoa izan zen.
Emakumezkoen hirugarren mailako liderra Osasuna Fundazioa B taldea da (12 puntu). Altsasu hamargarren da, puntu bakarrarekin. Bosgarren jardunaldian Altsasuk sailkapenean zazpigarren den Huarte hartuko du urriaren 19an, igandea, 17:30ean Dantzalekun jokatuko den partidan.