Preferente mailan hamargarren jardunaldia jokatu zen. Altsasuk Zizurren jokatu zuen, Ardoi B taldearen kontra. Gauzak ongi hasi ziren Altsasurendako, Unai Calvok 10. minutuan gola sartu baitzuen. Partidak bizi-bizi jarraitu zuen eta 24. minutuan bana berdindu zuen Ardoi B-k. Atsedenaldiaren ondoren berdinketa apurtzen saiatu ziren bi taldeak. Jon Lopez de Goikoetxeak poz handia eman zien altsasuarrei 61. minutuan taldea 1-2 aurreratu eta gero. Alde gehiago ateratzen saiatu zen Altsasu, baina Ardoi izan zen bina berdindu zuena. Azken minutuetan abantaila hartzen saiatu ziren bi taldeak, baina partida 2-2 eta puntu banaketarekin despeditu zen.
San Jorgek jarraitzen du lider (24 puntu), Amigo taldeari 5 puntu aterata (19 puntu). Altsasu erdialdean dago, bederatzigarren (13 puntu). Azaroaren 23an, 18:15ean, Altsasuk sailkapenean seigarren eta arerio zuzena den Aibares taldea hartuko du Dantzalekun.