Emakumeen Hirugarren mailako bederatzigarren jardunaldian aurreko bi asteetako bolada ona despeditu zitzaion Altsasuri. Gorka Pascua altsasuarrak zuzentzen duen Osasuna Fundazioa B taldea hartu zuen Altsasuk Dantzalekun. Partida bizi-bizi hasi zen, baina Osasuna gailentzen hasi zen eta atsedenaldira 0-3ko errentarekin joan ziren iruindarrak. Bigarren zatian joera berberak jarraitu zuen, eta beste hiru gol sartu ziren Altsasuko atean. 0-6 galduta, kolpe ederra jaso zuen Altsasuk.
Mulier da emakumeen hirugarren mailako liderra (27 puntu), Osasuna Fundazioa B taldearen aurretik (25 puntu). Altsasu zortzigarren da (8 puntu). Asteburu honetan ez dago jardunaldirik. Hamargarren jardunaldia abenduaren lehen asteburuan jokatuko da. Altsasuk hamaikagarren den Ardoi hartuko du Dantzalekun.