Altsasuko Udalak jakinarazi du etxerako egur lotea eskuratu nahi duenak otsailaren 27ra arteko epea duela eskaera egiteko. Udalak jakinarazi duenez, gutxi gorabehera 6 tonako 70 lote egongo dira. Loteak enpresa batek moztu, atera eta eskatutako tokira eramango ditu. Loteak baino eskabide gehiago egonez gero, zozketa egingo da. Lotearen oinarrizko prezioa 20 eurokoa izanda eta horri mozketa, erauzketa eta lotea lekualdatzeko prezioaren zati proportzionala gehitu beharko zaio. Tonako gehieneko prezioa: 47,30 euro (BEZa barne) izango da. Familia-unitate bakoitzari egur lote bakarra dagokio. Gainerako baldintzen berri altsasu.eus webgunean jaso daiteke.