Sakana Harrera Haranak deituta, genozidioa stop! Israel, AEB, Europa hiltzaileak leloa zuen kontzentrazioa egin zen Foru plazan ostiralean, otsailak 6. Palestinar herriari elkartasuna adierazi zioten bildutakoek. Deitzaileek gaztigatu zutenez, “orain Gaza egunero bonbardatzen ez badute ere, Gaza bera eta Zisjordania masakratzen jarraitzen dute”. Sakana Harrera Haranak bilkura baliatu zuen Yala Nafarroa Palestinarekin erakundeak Iruñean deitu duen manifestazioan parte hartzeko deialdia egiteko. Otsailaren 21ean, larunbatean, 17:30ean.