Sakanako Mankomunitateko Hondakin Zerbitzuak jakinarazi duenez, Altsasuko garbiguneak ordutegi berria izanen du martxotik aurrera: astelehena, asteazkena eta ostiraletan 09:00etatik 14:30era egonen da zabalik eta astearte eta ostegunetan, berriz, 13:00etatik 18:30era. Mank-eko presidente Aitor Larraza Carrerak azaldu zuenez, "Aztiker enpresaren bidez herritarrekin egindako kontsulta prozesuaren ondorioz hartu da garbiguneak astean bitan arratsaldez zabaltzeko erabakia". Presidenteak argitu duenez, garbigunearen zerbitzua zabaltzeak "egungo ordutegiarekin joaterik ez dutenei joateko aukera emanen die".