Musika eta Dantza Eskola, Altsasu
Maiatzaren 17an, igandean, Etorkizuna dantza taldeak antolatutako Altsasuko Dantzari Txiki eguna izanen da. Bi talde gonbidatu izanen dira: Lazkaoko Oin Ari eta Urretxuko Lurra taldea. 11:00etan Altsasuko Musika eta Dantza Eskolan bilduko dira eta hamaiketakoa hartuko dute, eta 12:00etan kalejira aterako dira. Hiru geldialdi eginen dituzte herritik. 14:30ean kukuerreka elkartera joanen dira bazkaltzera, eta ondoren, 17:00etan, Foru plazan, dantza saioa eginen dute.