Altsasuko kirol klubei eta elkarteei dirulaguntzak emateko deialdia egin du Altsasuko Udalak. Deialdi horren bidez, herriko kirol erakundeek aurten beraien kirol jarduerak eta ekitaldiak bulka ditzaten lagundu nahi du udalak. Deialdiak 28.866 euroko diru poltsa du. Deialdian interesa duten kirol erakunde altsasuarrek beraien eskabidea garagarrilaren 20rako aurkeztu beharko dute. Horiek erregistro elektronikoan aurkeztuko dira, egoitza elektronikoaren bidez. Deialdiari buruzko informazioa Altsasu.eus webgunean dago.