Kern Pharma txirrindularitza taldea ataka larrian dago. Babesle nagusiak, Kataluniako Kern Pharma enpresa farmazeutikoak, ez du gehiago txirrindularitza taldea babestuko, nahiz eta zazpi urteko ibilbidean taldeak emaitza paregabeak izan, joan zen urteko Vueltan, esaterako.
Juanjo Oroz taldeko burua inbertitzaile eta babesle berriak lortzen ari da buru-belarri proiektuak aurrera segi dezan, baina, momentuz, ez da ezer lotu. Horregatik, Orozek txirrindulariei eta staffeko kideei beste taldeekin negoziatzeko baimena eman die, ezin dutelako egituraren etorkizuna bermatu. Egoera horretan dago, beraz, aurten Kern Pharmarekin profesional debutatu duen Iker Gomez Lopez de Goikoetxea altsasuarra. Ea txirrindularitzan bidea egiten jarraitzeko aukera duen.