Altsasuko Udalak jakinarazi duenez, Zelai kalea lau egunez itxita egonen da heldu den astean: astelehenetik ostegunera, garilaren 13tik 16ra. Zehazki, Erburua eta Erlategi kaleetako bidegurutzeen arteko zatia egonen da itxita. Kalea ixteko arrazoia da 73. zenbakidun etxea bota eginen dutela, ondoren han etxebizitzak eraikitzeko. Kalea bi noranzkoetan itxita egonen da, baina udalak gaztigatu duenez, itxierak ez du eraginik izanen autobusen zirkulazioan.