Dantzaleku Sakana klubak antolatuta, urriaren 17an, larunbata, XVII. Onddo lasterketa jokatuko da Altsasun, ferietan. Lasterketa herrikoia da, herriko parajeetan barna jokatzen dena, hain zuzen ere onddoak jaiotzen diren tokietan. 7 kilometro ditu, eta 80 metroko desnibel positiboa. Onddo Lasterketarekin batera oinezko martxa izango da, eta biak ordu berean abiatuko dira, 10:30ean. Izena ematea zabalik dago RockTheSport webgunean (10 euro, Dantzaleku Sakana klubeko bazkideek 8 euro).
Egun berean, 12:00etan, kategoria txikikoen Eskola Arteko Krosa jokatuko da. Kasu honetan izena eman behar da, baina dohainik da.