Bigarren mailako hirugarren jardunaldian Altsasuko CBASK taldeak denboraldiko bigarren garaipena lortu zuen Berriozarren, partida oso lehiatuan Humiclimari 54-65 irabazi eta gero. Partida osoan barna parez pare aritu ziren bi taldeak, lau aldiz berdindu zuten, markagailuan alternantzia handia egon zen, baina, azken txanpan CBASK-ek aldea hartu eta 11 punturen aldeagatik gailendu zitzaion Humiclimari.
San Ignacio Nasabi da bigarren mailako liderra (6 puntu). CBASK bosgarren da (5 puntu). Asteburuan jokatuko den laugarren jardunaldian CBASK-ek sailkapenean hamargarren den Anpri Gazte Berriak taldea hartuko du urriaren 24an, larunbata, Zelandi kiroldegian (17:50).