Eduki hau partekatzeko esteka arbelera kopiatu da.
Elomendiko futbol txapelketan bosgarren jardunaldia jokatu zen asteburuan, ahazteko modukoa bertan lehiatzen ari diren talde sakandarrendako. Izan ere, Izurdiagako Rajatablari 6 gol sartu zizkion Santa Cruzek eta bakarra sakandarrek. 1-6 galdu zuen Rajatablak, gol sorta ederra jasoz. Arakilgo Zalduak ez zuen egun hobea izan eta 2-0 galdu zuen Gazte Berriak taldearen kontra. Galera horrek eragin nabaria izan du sailkapenean, bigarren postutik zazpigarrenera jaitsi baita Rajatabla. Unzitik eusten dio lidergoari, 10 punturekin, eta Rajatablak 6 puntu dauzka, zazpigarren postuan. Zaldua hamabigarrena da, 2 punturekin. Larunbatean seigarren jardunaldia jokatuko da. Sailkapenean puntu berberekin baina zortzigarrena den Izalsa taldearen kontra jokatuko du zazpigarrena den Rajatablak, 16:00etan. Partida garrantzitsua izango da arerioa atzean uzteko. Bestalde, sailkapenean hamabigarrena den Zalduak hamarrena den Roca izanen du aurkari Antsoainen, 16:00etan. Ea arakildarrek bigarren garaipena lortzen duten.