Arakilgo Udalak txango polita antolatu du uztailaren 5erako. Larruneko tren famatua hartuz Larrun mendira igotzea da plana, gero bazkaldu eta arratsaldean Sarako kobazuloetara bisita gidatua egiteko.
Autobusa 7:45ean abiatuko da Irurtzungo Matxaingo parkinetik eta txangoa egitera animatzen direnek 9:30ean hartuko dute Larrunera igotzeko trena. 11:30ean Azkaine ezagutuko dute eta 13:00etan bazkari ederrean bilduko dira Hotel du Ponten. Arratsaldean, 16:00etan, Sarako kobazuloetara bisita gidatua eginen dute.
Izena emateko epea zabalik dago uztailaren 3ra arte. Horretarako, Arakilgo udaletxera jo behar da: 948 500 101 / 634 584 226 telefonoak, arakilkultura@gmail.com posta, Facebook edo @ArakilKultura.