Ohi denez, maiatzaren aurreneko egunean arakildarrek Oskiako ermitarako bidea hartuko dute. Aralarko aingeruaren irudia lagun izanen dute bide horretan. Arakilen barnako ibilbidea 9:00etan hasiko du goiaingeruaren irudiak. Zuhatzun ordu laurden geroago izanen da. 9:30erako Ekain izanen da. Etxarrenen hamarrak baino pixka bat lehenago espero dute. Handik Urritzolara joko du, 10:20an iristeko. Izurdiaga izanen da Aralarko aingeruaren azken aurreko geldialdia 10:45ean. Errotzera 11:10ean iritsiko da. Arakildarrak azken herri horretan elkartu eta erromesaldia Oskiako harrateko ermitara abiatuko dira, 11:40an. Eguerdian meza hasiko da ermitan.
