Arakilgo Udalak Bilbo ezagutzeko kultur irteera antolatu du. Maiatzaren 14ko 08:30ean abiatuko dira arakildarrak Bilborantz. Behin Bizkaiko hiriburuan, 11:00etan, Bilbo ezagutzeko Juantxo Madariagak gidatutako bisita eginen die arakildarrei. Hura despeditu ondoren Bilboko Kafe Antzokian bazkalduko dute. 16:30ean arakildarrek bi aukera izanen dute: edo haien kabuz hiriburuan barna ibili edo Arte Ederretako museora taldean joan. Kultur bidaia 19:00etan despedituko da. Orduan hartuko baitute etxerako bidea.
Kultur irteeraren bezperan, maiatzaren 13an, ostiralarekin, Juantxo Madariagak Bilboko Alde Zaharrari buruzko hitzaldia eskainiko du. Satrustegiko elkartean izanen da, 19:00etan. Helduendako hitzaldia izanen da.
Arakilgo Udalak antolatutako kultur irteeran joan nahi dutenek ostiralera arte eman dezakete izena. 948 500 101 edo 634 584 226 telefonoetan edo info@arakil.net edo arakilkultura@gmail.com e-postan. Arakilen erroldatutako helduek 25 euro ordaindu behar dituzte eta haurrek 12. Ibarrean erroldatuta ez dauden helduak, berriz, 30 euro pagatu beharko dituzte, eta haurren kasuan 15.