Urriaren 1ean, larunbatean, udari agur esateko festa antolatu du Arakilgo Udalak Itxasperrin. Festa 16:30ean hasiko da haurren txokoarekin. Bertan jolasak eta tailerrak egiteko aukera izanen dute Arakilgo haurrek. 17:30ean helduendako antzerki emanaldia izanen da: Pantxika Lamur, eta, ondoren, 19:00etan, Ane Martija Etxeberriko bakarlariaren eta Howdy taldearen kontzertuak izanen dira. Arratsaldean zehar barra eta edariak egonen direla jakinarazi du udalak.
Arakilen udaren amaiera ospatuko dute
Agur uda festa eginen dute urriaren 1ean, larunbatean, Itxasperrin.