Arakilgo Udalak jakinarazi duenez, udan antolatuko duen haurrendako aisialdi campuserako begiraleak beharko ditu. Horregatik, begiraleen lan poltsa osatu nahi du. Deialdian interesa duenak arakilkultura@gmail.com posta elektronikoko helbidera bidali beharko du curriculumak. Nahitaezko betebeharrak dira euskarazko B2 maila izatea, DBH edo baliokidea den ikasketak izatea eta baita aisialdi begirale titulua ere. Kontratazioak egiterakoan udalak baloratuko du hautagaia arakildarra izatea, lehen sorospenen jakintza, Hezkuntza arloarekin lotutako ikasketak eta haur eta nerabeekin esperientzia izatea.