Elomendiko Futbol Txapelketan asteburuan ez zen jardunaldirik jokatu, baina astebete lehenago bederatzigarren jardunaldia erabaki zen. Zaldua Arakilek Unziti hartu zuen, eta partida oso lehiatua puntu banaketarekin despeditu zen, 3-3 berdinduta. Sailkapenean Uterga da lider (22 puntu) eta Zaldua Arakil zazpigarren da (11 puntu). Asteburuan Arakilgo taldeak sailkapenean bederatzigarren eta arerio zuzena den Apolo izango du aurkari, Noainen.