guaixe.eus

Joseba Ezkurdia, sanferminetako binakako txapelduna eta pilotari onena

  Kirola  Arbizu

Beñat Rezusta ikusgarriaren laguntzarekin, Oinatz Bengoetxeari eta Mikel Beroizi 22 eta 9 irabazi zieten Sanferminetako Binakako Torneoko final handian, pilota zalez gainezka zegoen Labriten

Sanferminetako Binakako Torneoko finalean ikusgarri jokatu zuten Joseba Ezkurdia arbizuarrak eta Beñat Rezustak. Torneo ederra egin zuten Oinatz Bengoetxearen eta Mikel Beroizen kontra jokatu zuten finala, baina Ezkurdia eta Rezusta arerioen gainetik pasa ziren. Launako berdinketaren atzetik, tantoak pilatzen hasi ziren Aspekoak. Atzean Rezustak agindu zuen; jole bikaina da gipuzkoarra, atzelari ikusgarria. Aurrean Joseba Ezkurdia primeran aritu zen eta, ia konturatu gabe, 22 eta 9 hartu zituzten menpean Bengoetxea eta Beroiz. Torneoa irabazteaz gain, Joseba Ezkurdia txapelketako pilotari onena izendatu zuten. Beraz, sari bikoitzarekin itzuli zen arbizuarra. 

Ezkurdiak behin eta berriz nabarmendu zuen "oso pozik" zegoela sanferminetako torneoa irabazi izanagatik, "ilusio handia" egiten ziola. Zorionak, beraz, Arbizuko aurrelariari eta Rezustari. Udako torneoetako lehenengoaren atzetik ea gehiago datozen. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa

Laguntzaileak