Haurtzaroaren zantzuak dokumentalaren aurkezpena eta eztabaida, eskolak antolatuta. Haurtzaroaren zantzuak dokumental batean jasotako kontakizun-ikerlana da. Iruñeko Izartegi eta Mendillorri haur-eskoletan grabatu da. Inora ez daraman bidaia dugu, noraezean, jitoan egindakoa, eta hartan loturetatik askatu nahi dugu, errutina, azturak, ezagunak ematen digun segurtasuna, ikastetxeko hormak, eskolako parametroak, etb. bazter utziaz.
Hainbat ibilbide osatu ditugu familiekin batera, eta haietan bide eman diegu haurrei (honetaz asko dakite eta) gidari ari daitezen, haien interes, emozio, geldialdi, lasterketa eta denborei men eginez.
Ibilbideek ez dute helmuga jakinik, eta abentura, ustekabea zein harridura dituzte akuilu.
2 euroko sarrera, eskola-materiala erosteko erabiliko dena. 17:00etatik 19:00etara, udaletxean.