Nafarroako Unibertsitate Publikoak (NUP) 2017ko Ikerketa Sariak banatu zituen asteartean. Alfonso Carlosena errektorea izan zen ekitaldiaren burua eta haren eskutik Martin Larraza Kintanak bere ikerketa-ibilbide osoaren aitortza jaso zuen. Giza eta Gizarte Zientzien, Zientzia Juridikoen eta Ekonomia Zientzien arloei dagokien saria jaso zuen arbizuarrak. Larraza NUPen Enpresen Kudeaketako Saileko irakaslea da.
