Emakumeen obra emakumeen egunerako

Emakumeen obra emakumeen egunerako
Arbizuko udaletxean historia memoriaren inguruko erakusketa ikusten. Artxiboa

Martxoaren 8an, Emakumeen Egunean, Arbizuko Udalak erakusketa jarri nahi du udaletxeko batzar aretoan. Emakumeak gaia hartuta, erakusketa berezia antolatu nahi dute udal ordezkariek, baldintza bat jarri baitute: Arbizuko emakumeak egindako artelanak izatea erakutsiko direnak. Arbizuko Udalak erakusketa horrekin “emakumearen sorkuntzari eta parte hartzeari ikusgarritasuna eman eta espazio bat eskaini” nahi dio. Beraz, etxean gaiarekin zerikusia duen lanen bat dutenek, edo propio sortu nahi dutenek honakoa egin beharko dute: otsailaren 15a baino lehen kultura@arbizu.eus  helbidean edo liburutegian jakinarazi . Udal ordezkariak otsailaren 22ra arte lanak jasotzen ariko dira, gero erakusketa behar bezala prestatzen hasteko.