Txistor Egunaren aurretik elikadura burujabetzaz

Txistor Egunaren aurretik elikadura burujabetzaz
Aurreko edizio batean pintxo lehiaketara aurkeztutako proposamenak.

Arbizuko Udalak antolatuta X. Txistor Eguna ospatuko da larunbatean. Baina haren aurretik, gaur, elikadura burujabetzari buruzko mahai-ingurua antolatu du. Hiru hizlari izanen dira: Joseba Atondo, (Baztango alkatea), Begoña Goikoetxea (Belardi elkartea) eta Gorka Ovejero (Lugorri elkartea zena). Udaletxean, 19:00etan, da.

Egitaraua
Lastailak 11, osteguna
19:00etan Elikadura burujabetzari buruzko mahai-ingurua.

Lastailak 13, larunbata
16:30ean Haurrendako puzgarriak, plazan.
19:30ean Musika emanaldia, plazan.

Lastailak 14, igandea. Txistor Eguna
Goizean zehar Ardoa eta pintxoak plazan, azoka kale Nagusian eta txerriaren inguruko produktuen erakusketak egonen dira: tripotak eta txistorrak egitea, txantxigorriak, ukenduak… Gaztagile batek gazta eginen du. Argazki erakusketa udaletxeko batzar gelan.
10:00etan Diana Arbizuko fanfarrearekin.
11:00etan Nafarroako trikitilarien bilkura.
11:30ean X. Pintxo lehiaketaren hasiera.
12:00etan Arbizuko abesbatza, plazan.
13:30ean X. Pintxo lehiaketaren eta I. Letrak ahora literatur lehiaketaren sari banaketak.
15:00etan Azokaren itxiera.
17:00etan III. Nafarroako Trikitixa Eskolen Jaialdia.