guaixe.eus

Menditik preso, iheslari eta deportatuen etxeratzea eskatzen

  Gizartea  Arbizu
Menditik preso, iheslari eta deportatuen etxeratzea eskatzen

Preso, iheslari eta deportatu politiko guztiak etxera! Lelo hori zuen Arbizun larunbatean egin ziren mendi martxak. 40 bat pertsona elkartu ziren eta Putterri, Mezeen eta Sandindei helmuga zuten hiru zutabetan banatu ziren eta aldarrikapena hiru tokietara eraman zuten. Bide batez, Orain Presoak dinamikak Donostian larunbaterako deitu duen manifestazioan parte hartzera deitzeko baliatu zuten.  

Cims per la llibertat edo askatasunaren aldeko tontorrak ekimena egin zuten Herrialde Katalanetan. Arbizuarrek hura ere babestu zuten. Besteak beste, CUPeko diputatu ohia den Anna Gabrielen askatasuna aldarrikatu zuten. Arbizutik jakinarazi digutenez, preso, iheslari eta deportatuen aldeko ekimen gehiago antolatuko dituzte hurrengo asteetan.  

Donostiara joateko autobusak
Larunbateko manifestaziora autobusez joan nahi duenak honako tabernetan eman dezake izena: Irurtzungo Pikuxar, Lakuntzako Sorginak eta Apur, Arbizuko Aralar, Arrauts, Argi Bidea eta Baxerri, Etxarri Aranazko Xapatero eta Lekuona eta Altsasuko Biltoki eta Lezea.

Ikusi argazki guztiak handiago

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa

Laguntzaileak