Zetak, Pello Reparazen proiektu berria

'Errepidean' proiektu berriaren lehenengo abestia eta bideoklipa aurkeztu zuen atzo Pello Reparaz musikari arbizuarrak. Sakanari, Altsasuri eta lagunei erreferentzia egiten dio abestiak

Pello Reparazek musika proiektu berria jarri du martxan: Zetak. Urte bukaeran hasi zen prozesuarekin, Instagram sare sozialean jakinarazi zuen bezala. Atzo proiektuaren lehenengo abestia eta bideoklipa aurkeztu zuen: Errepidean. Kantak ukitu elektronikoak ditu eta letrak Sakanari eta Reparazen inguruari erreferentzia egiten dio. Gainera, bideoklipean hainbat sakandarrek parte hartu dute ere.