Nafarroako Parlamentuko Ekonomia eta Ogasun Batzordea Nafarroako 2020ko aurrekontuei aurkeztutako 700 emendakinak aztertzen hasi zen astelehenean. Eta egun horretan bertan onartutako mozioen artean dago Arbizuko Udalari 144.235,46 euro pagatzea. 0-3 zentroa eraiki zenean Hezkuntza Departamentuak udalari dirulaguntza emanen ziola aurreikusi zen. 2018an pagatzekoa zen, baina oraindik ez da halakorik egin. Horregatik, Geroa Baik eta EH Bilduk Nafarroako aurrekontuek diru-sail hori izateko mozioa aurkeztu zuten. Proposamena aurrera atera zen alderdi guztien aldeko botoarekin eta Navarra Sumaren kontrakoarekin.
Nafarroako aurrekontuetan 145.000 euro udalarendako
2020ko ots. 17a, 11:41
Haur eskolaren eraikuntzaren ondoren gobernuak udalari zor diona pagatzeko izanen da