Ezkurdiak eta Tolosak Irribarria eta Rezusta izanen dituzte aurkari gaur, ostirala, Atano III.ean jokatuko den lehendabiziko play-offean. Bi bikoteek partida "oso zaila" izango dela nabarmendu zuten material aukeraketan, "partida batera edonor gailendu" daitekeelako. Ezkurdia eta Tolosa play-offetan egongo zirenik inor gutxik espero zuen, baina behetik gora egin dute nabarmen, konfiantza soberan dute eta animoz gainezka eta gogotsu iritsi dira play-offera. Irribarria eta Rezusta azkeneko jardunaldira lider iritsi ziren baina azken partida galduta, play-off postuetara jaitsi ziren, eta animoz agian kaxkarrago iritsi dira hitzordu garrantzitsura. Hil ala biziko lehia espero da. Bigarren play-offa igandean Ogetan jokatuko dute Laso-Imazek eta Peña-Albisuk.
Ezkurdiak eta Tolosak Irribarria eta Rezusta dituzte aurkari, gaur, ostirala, Donostiako Atano III.ean jokatuko diren play-offetan