Zumbathon Solidarioa jardunaldia antolatu dute maiatzaren 28an, larunbata, Arbizun. Aurten Noelia fundazioarendako izanen dira ekimenarekin lortutako irabaziak. Eguna haur lasterketa solidarioarekin hasiko dute; 10:00etan izanen da eta dortsalak 3 eurotan lor daitezke. Lasterketa amaituta txokolatada izanen da. Zumba masterclass-a 11:00etatik 13:00etara izanen da, Arbizuko kiroldegian, eta Elena, Mayra, Eva, Carolina, Gado eta Leizadi Zumbako irakasleek eskaniko dute. Aurkezlea Katrin Ginea izanen da, eta masterclass-aren bitartean Capoeira erakustaldia izanen da ere. 19:00etatik 23:00etara egunarekin amaitzeko Factoria DJ-ren emanaldia egonen da kiroldegiko tabernako terrazan.
Zumthon Solidarioan parte hartzeko 5 euro ordaindu behar dira eta ikusleek 3 eurotan eros ditzakete sarrerak.