Arbizuko udaletxeko bilkura gela txiki gelditu zen hilaren 28an. Nafarroako Ondare Immaterialaren Artxiboaren parte izateko zortzi elkarrizketa grabatu zituen Labrit Ondarea enpresak udazkenean eta haien laginak aurkeztu zituen. Jesus Mari Maiza Lacunza, Mari Paz Barandiaran Razkin, Patxi Leiza Berastegi, Mari Carmen Arbizu, Blanca Nieves Aldasoro Flores, Maria Pilar Arbizu, Pello Lopez De Sabando eta Ana Mari Uncilla Arañaren esanen bidez XX. mendeko Arbizuko gizarte tradizionalaren memoria eta testigantzak jaso zituzten eta haiek arreta handiz entzun zituzten udaletxean bildu ziren guztiek.