Irailaren hasieran zabalduko dute Gure Zirkukoek karpa Arbizun, Nafarroa Oinez Nafarroako ikastolen festa antolatzen ari den Etxarri Aranazko Andra Mari ikastolaren eskutik. Irailaren 8an (19:00etan), 9an (17:00etan eta 19:30ean) eta 10ean (18:00etan), ostiraletik igandera, eta 15ean (19:00etan) eta 16an (17:00etan eta 19:30ean), ostirala eta larunbata, izanen dira euskal zirkuaren emanaldiak. Sarrerak Gure Zirkuaren webgunean eros daitezke.
Bigarren aldia da Gure Zirkuak Sakana bisitatzen duena; aurrekoan ere Altsasuko Iñigo Aritza ikastolak antolatu zuen 2018ko Nafarroa Oinezekin etorri zen, Urdiainera.