Arbizuko Udalak Kattuka haur eskolan autokontsumorako eguzki instalazio fotovoltaikoa jarri nahi du. Instalazioak 78,69 kW-ko potentzia izanen du. Obrak 69.949,19 euroko aurrekontua du (BEZik gabe). Inbertsioa finantzatzeko Arbizuko Udalak Europako Next Generation funtsetako dirulaguntza izanen du: 69.090 euro. Lana egiteko interesa duen enpresak apirilaren 22ko 00:00etarako aurkeztu beharko du bere eskaintza. Egitekoa bere gain hartzen duen enpresak 90 egun izanen ditu lanak despeditzeko. Hori bai, azpiegitura irailaren 3rako prest egon beharko du.