Arbizuko Aldabide pilota eskolak, Arbizuko Udalaren eta hainbat babesleren laguntzarekin esku pilota profesional jaialdia antolatu du ekainaren 19an Arbizun, 18:30etik aurrera. Garfeko pilotariak ariko dira, tartean sakandarrak.
Lehen partidan Murgiondok eta Bergerak Olaetxeari eta Lazkozi egingo diete aurre, eta bigarrenean Igoa eta Arbizu bikote etxarriar sendoak Canabal eta Azpiroz izango ditu aurkari.