Larunbatean jokatu zen VIII. Elomendiko Xtreme maratoi erdia. Korrikalariek bi aukera zituzten, 21 km-ko proba, maratoi erdia, edo 11 km-koa. Maratoi erdia 257 korrikalarik osatu zuten eta Xabier Zarranz irunberriarra izan zen txapelduna (1:45:20). Aritz Ganboa arruazuarrak lan bikaina egin zuen eta 13.a iritsi zen helmugara (1:58:04). Juan Jose Armendariz irintarra 27.a sailkatu zen (2:03:32), Francisco Codon irurtzundarra 41.a (2:06:14), Mikel Iriarte arbizuarra 55.a (2:12:01) eta Gorka Arratibel etxarriarra 75.a (2:15:40).
Bestalde, 11 km-ko proba Carles Mañeru agoizkoak irabazi zuen (50:46), helmugara iritsi ziren 98 korrikalariren artean. David Mutiloa irurtzundarra 6.a iritsi zen (53:08).