Arbazuarrek herriko elkartearen eguna ospatu zuten irailaren 25ean. Goizean hildako bazkideen eta orduko kideen aldeko meza izan zen. Arratsaldean festetan jokatzerik izan ez zen eskuz binakako pilota finala jokatu zuten. Pirrikela eta zopa txapelketaz aparte, ohikoa zen futbol partida ere jokatu zuten elkartekideek. Gauean egindako afaria eta dantzaldiarekin despeditu zuten Iturgain elkartearen eguna.
