Bakaikuko Udalaren auzolan ordenantzan jasotakoaren arabera, 18 eta 55 urte arteko bakaikuarrek auzolan bana egin behar dute urtean. Horri jarraituz, udalak hurrengo auzolanerako deialdia egin du: irailaren 30ean, larunbatarekin izanen da. Aukeran bost egiteko jarri ditu udalak: Launtzako gaztainadiaren garbiketa eta sasi garbitzea, parkeko baranda ipini, markesina margotu eta bernizatu, frontoiko baranda margotu eta frontoi ondoko erreka garbitu.
Izen emateko moduak honakoak dira. udala@bakaiku.eus posta elektronikora mezua bidaliz, bakaiku.eus web orriaren bidez, 948 562 509 telefonora hots eginez, udaleko Whatsappera/Telegramera (622 268 161) idatziz, udaletxeko idazkaritzara joz edo Ekhi Etxeberria edo Josetxo Kintanari esanez, idazkaritzara joaz. Udaletik bakaikuarrak auzolanerako ideiak eta proposamenak egitera animatu dituzte.