Azaroaren 5, igandea, egun berezia izanen da Bakaikun, urtero egiten duten Gaztaina Mozte eguna eginen dutelako. 10:30ean, plazatik kotxez aterako dira eta Mandubitara joanen dira. 10:45ean bertatik Auntzetxera ibilaldi gidatua eginen dute eta bitartean gaztainak bilduko dituzte, historia ezagutzeko aukera izanen dute eta gaztainonden informazioa jasoko dute ere. 12:30ean loreontzietan gaztainak landatuko dituzte, plazan, eta 13:00etatik aurrera udazkeneko pintxoak izanen dira Koxko tabernan.