Bakarreko Etxea Elkartearen eguna ospatuko dute azaroaren 18an, larunbata, 13:00etatik aurera, Bakaikun. Besteak beste, herri bazkaria eginen dute, eta bakaikuar guztiak parte hartzera gonbidatu dituzte. Txartelak elkarteko ordenagailuan, dendan, Koxko tabernan edo 660 698 738 telefonoan eros daitezke, 25 eurotan helduak eta 12 eurotan haurrak. Besteak beste, Bakaiku Kantuz, haurrendako jolasak eta bingoa, musa, karaoke eta abarreko bazkaldondoa izanen dira. Gauean, Deserrite eta Ahuntzak taldeen kontzertuak izanen dira, eta Deserrite talde burundarrak sare sozialetan jakinarazi duenez, abesti bat mustuko du Baikaikun.
Bakarreko Etxea Elkartearen egunaren egitaraua
Azaroak 18 larunbata
13:00 Poteoa Bakaiku kantuzekin.
14:00 Haurrendako bazkaria.
14:30 Herri bazkaria.
15:00 Haurrendako tailerrak.
16:30 Bazkalondoa: bingoa, musa, karaokea…
22:00 Mokadua.
23:00 Kontzertuak: Deserrite eta Ahuntzak taldeak.