Resano aurrera Urrezko Banakako Txapelketan

Aguraingo kanporaketan azkarrena izan zen

Larunbatean Urrezko Banakako Txapelketako 2. jardunaldia jokatu zen Agurainen. 12 aizkolari lehiatu ziren, hiruko lau multzo eginda. Bakoitzak lehen fasean 45 ontzako enborra eta kana-erdikoa erdibitu behar izan zituen. Lehen multzoan Iban Resano dorrobarra izan zen onena (3:33), Eloy Kortxerori segundo bateko tartea kendu zion eta Daniel Lopezek 5:11 behar izan zuen.

Bigarren multzoan Eneko Saralegi izan zen azkarrena (3:41), Fernandez bigarrena, 8 segundora, eta Muñiz hirugarrena, minutu eta 59 segundora. Hirugarren multzoanManuel Fraile izan zen onena (4:20), Aranberri 11 segundora sailkatu zen eta Kintana 28 segundora. Hortaz, Iban Resanok, Manu Frailek, Jokin Alkizaletek eta Oier Kañamaresek egin dute aurrera Buruz Buruko Urrezko Aizkoran.