Asteburuan Elomendiko Futbol Txapelketako 2. faseko 8. jardunaldia jokatu da. A multzoan Egiarretak jarraitzen du lider, Errotazarri 1-2 irabazi eta gero. Egiarretak 25 puntu ditu dagoeneko, eta 6 puntu ateratzen dizkio Unziti bigarrenari (19 puntu). Asteburuan Egiarretak Bar Mikelen kontra jokatuko du Uharte Arakilgo futbol zelaian.
Bestalde, B multzoan Rocak eta Zalduak jokatu beharreko partida atzeratu egin zen. Maldartea da liderra (18 puntu). Zaldua 5.a da (14 puntu). Asteburuan Zalduak Izalsa hartuko du, Lekunberrin.
Elomendiko Txapelketa. 2. fasea. 8. jardunaldia. A multzoa: Errotazar 1 – Egiarreta 2. B multzoa: Roca – Zaldua (atzeratuta)