Aurreko astean, ostegunean egindako bilkuran Ergoienako Udalak erabaki zuen batzorde bakarra osatzea, hirigintzarena. Horrekin batera, ibarra beste erakundeetan zeinek ordezkatuko duten erabaki zuen. Sakanako Mankomunitateko batzarretara Martin Miranda Otxagabia joanen da. Ibarreko erakundeko euskara batzordeko bileretan Unai Lazkoz Reparaz ordezkatuko du Ergoiena. Kirol batzordean, berriz, Fernando Amado Barriga izanen da Ergoienako ordezkaria. Garapen partzuergoko bileretan Fernando Etxauri Gallardon joanen da.Bestalde, Etxarri Aranatz aldeko gizarte zerbitzuen mankomunitateko bileretan Jose Antonio Lizarraga Etxeberria izanen da ergoendarren ordezkaria. Azkenik, Ergoienako Udalak hileko azken ostegunero biltzea erabaki zuen, 20:00etan.