Larunbatean Sakanako korrikalarien eta bisitarien bilgune izan zen Unanu. VIII. Ergoienako Biran 41 korrikalarik parte hartu zuten eta denetan azkarrena Javi Moreno izan zen. Altsasuarrak 34:08 minutu behar izan zituen Ergoienako hiru herriak batzen dituen 8,5 kilometroko lasterketa gorabeheratsua egiteko. Raul Audikana olaztiarrak minutu erdira zeharkatu zuen helmuga. Haren atzetik iritsi zen Francisco Javier Gomez (35:54) lehen beteranoa. Jokoan zegoen bigarren kattola, emakumeena, Maite Ares Soutorendako izan zen (44:03). Podiuma Erkuden San Martin etxarriarrak (49:25) eta Lore Elena Morarescuk (51:53) osatu zuten. Emakumezko lehen beteranoa Edurne Razkin etxarriarra izan zen (1:03:02).Arratsaldeko lehen orduan, 17:00etatik aurrera, txikienak lehiatu ziren. Ia 30 haur eta gaztetxok parte hartu zuten, giro ederrean, gehien-gehienak ergoendarrak. Sakanako Kopako buruAitzozar krosseko bigarren postuak eta Ergoienako Biraren garaipenak Sakanako Atletismo Kopa-Iker Kirolak Sariaren buruan jarri dute Javi Moreno. Emakumeetan, berriz, joan urteko txapeldun Erkuden San Martin doa lehenengo. Oraindik beste bi lasterketa puntuagarri daude: Sakanako krossa (azaroak 3) eta Zubeztia krossa (abenduak 8). Sailkapena1 Javi Moreno Jorge 00:34:082 Raul Audikana Arrese 00:34:393 Francisco Javier Gomez Fernandez 00:35:544 Juantxo Arregi Asensio 00:36:085 Juan Carlos Gomez Fernandez 00:36:136 Felix Benjumea Motino 00:36:309 Andoni Azanza 00:38:2310 Iban Gonzalez Barroso 00:38:3614 Juantxo Azurmendi Zelaia 00:40:4716 Gonzalez Barroso Borja 00:41:2019 Santi Aguirre Galarza 00:42:2323 Jose Antonio Salgado Mangas 00:44:0331 Jose M. Mercero Lizarraga 00:49:0532 Erkuden San Martin Gonzalez 00:49:2536 Ismael Lopez de Goikoetxea 00:52:3537 Patxi Atxa Goikoetxea 00:53:3541 Edurne Razkin Jaka 01:03:02*Oharra: antolakuntzak ez zuen korrikalarien herrien daturik jaso, eta horregatik litekeena da sakandarren bat faltatzea.