Igandean Arrigorriagako distantzia luzeko XI. duatloia jokatu zen, eta 200 atleta inguruk hartu zuten parte lehian. 14 kilometro korrikan, 57 kilometro bizikletan, eta atzera ere 7 kilometro korrikan egin behar izan zituzten, helmugaratu arte. Proba bizikleta tartean erabaki zen: igo beharreko portuen gogortasunak eta haize bortitzak eragin bizia izan zuten. Irabazlea Krafft-Atletico San Sebastian taldeko Patxi Urizar billabonatarra izan zen (2:54:48), esprintean Saiatuz taldeko Endika Gartzia menperatuz. Sakana Triatloi Taldeko Alberto Martinez etxarriarra 111.a izan zen (3:36:14).Hurrengo duatloi proba Arbizun jokatuko da, apirilaren 26an, 18:00etan. Duatletek egin beharrekoa: 8 kilometro korrikan, 32 kilometro bizikletan eta 4 kilometro korrikan.