Atzo goizean atxilotu zuten Joxe Aldasoro Jauregi Guardia Civilarn esku jarraitzen du, inkomunikatuta. Bost eguneko inkomunikazio aldia beteko balitz, epailearen aurretik larunbatean pasako litzateke etxarriarra. Atzokoan bere atxiloketa salatzeko Etxarri Aranatzen informazio batzarra eta manifestazioa egin ziren. Azken horretan 300 bat pertsonek parte hartu zuten. Informazio batzarrak atxiloketa irauten duen bitartean eginen dira. Bestalde, desordena publikoak leporatuta atxilotu zuen Juan Cruz Aldasoro Jauregi atzo iluntzerako aske zegoen. Bestalde, gaur hainbat etxarriarrek Parisko bidea hartuko dute, bihar han epaitzekoak baitira Oihan Barandalla herritarra.