Urrezko Aizkolari Txapeldunen ligan bederatzi jardunaldi jokatu dira dagoeneko. Igandean, Laguardian, Floren Nazabal etxarriarra eta Olasagasti aritu ziren lehian. Jokoan zeuden sei probatan Etxarri Aranazkoa izan zen nagusi; badirudi abuztu aldean gerrian izan zituen arazoek onera egin dutela. Lan guztiak egiteko 18:55eko denbora behar izan zuen etxarriarrak, eta ia bi minutu gehiago Olasagastik (20:47). Urrezko Aizkolari Txapeldunen Liga ez da oraindik erabaki. Momentuz Nazabal dago buruan, 8 punturekin eta lau jardunaldi jokatuta. Arrospidek zazpi puntu ditu lau jardunaldi jokatuta, eta Larretxeak eta Lopezek hiruna puntu, hiru jardunaldi jokatuta. Olasagastik ixten du sailkapena: 4 puntu bildu ditu jokatutako lau jardunaldietan.