Etxarri Aranazko Euskalerriari pilotalekuak Euskadiko Pilota Txapelketako finalerdi bat hartu zuen igandean. Adur Lasa pilotari etxarriarrak Lizarrako Aznarez izan zuen arerio. Etxarriarra nagusi izan zen eta 22-11 hartu zuen menpean Aznarez, finalerako txartela lortuz. Euskadiko Pilota Txapelketako finala larunbatean jokatuko da, otsailaren 26an, 16:30etik aurrera Gasteizen. Adur Lasak Amezketako Jaka izango du aurkari. Ea etxarriarrak lan ona egiten duen eta Euskadiko txapela ekartzen duen.