Joxi Bakaikoa alkateak esan digunez, iazko kopuruaren parekoa da. "Gastu sozialetan ez da murriztu eta zenbait partida sortu dira". Horien artean daude parte hartzeari edota Etxarriren sorreraren 7. mendeurrenera bideratutako diru poltsa. Etxarri Aranazko Udalak aurten 1.878.278,46 euro izanen ditu kudeatzeko. Bilduren aldeko botoekin onartu ziren aurrekontuak. NaBaik zenbait partidaren igoerarekin ados ez zegoelako kontra bozkatu zuen.Aurtengo aurreikusia zeuden Aldapasoroko sareak berritzeko lanak. 350.000 euroko inbertsioa egin behar zuen Etxarri Aranazko Udalak, baina Nafarroako Gobernuaren murrizketek lan hori bertan behera uztea ekarri du, "eta ez dakigu noiz eginen den" gaineratu du alkateak. Utzubar txikin eginen du aurten inbertsio lan handiena udalak. Zenbait urtetarako plangintza baten barruan aurten argindar eta ur sareak jarriko dituzte. Hurrengo urteetan espaloiak eta beste etorriko dira. Futbol zelai eta hilerri inguruan eginen diren lanetarako 160.000 euro bideratuko dira. Bestalde, udalak kreditu berririk eskatu ez duenez, banku eta kutxekiko zorpetzea txikitzen segitzen du. Zenbait partidaSaila KopuruaParte hartzea 12.000Musika eskola 33.000Langabeak kontratatzeko 16.625Utzubar txikiko lanak 160.628Arluzepeko argiak 10.500Abeltzaintza azpiegiturak 44.561,86Baso hobekuntza 61.045,06Errekak hobetzeko proiektua 16.584,74Kultur programazioa 46.000Festak 78.000Etxarri 2012 10.000